1. Nor zen Iñaki Beitia?

Iñaki Beitia Aizpurutxon jaiotako euskaltzale eta mendizalea zen. Ostadar M. T.-ko bazkide sortzailea, Urretxuko udaleko Herri Batasuneko zinegotzi eta euskararen karteraren arduraduna, Urretxu-Zumarragako Ikastolako irakaslea, bertsolari-eskolako irakaslea, gure herrietan edozein kirol- edo kultura-ekintzako partehartzaile eta laguntzailea, ... Iñaki denok maite genuen laguna izan zen.

Mendiko bizikletako martxa bat egin ondoren, 1996an utzi gintuen. Horren ondorioz, aurten ere bere omenez antolatu dugun mendi-martxan parte har dezazun gonbidatzen zaitugu.

Informazio gehiago hemen.

2. Zein hizkuntzak erabiltzen dira martxaren antolakuntzan?

Euskara da mendi-martxaren hizkuntza ofiziala. Euskaraz dira Antolakuntzako bilerak. Euskaraz gain, Antolakuntzaren Informazio Zerbitzuak gaztelaniaz ere emango du informazioa.

1. Zenbat kostatzen du izena emateak?

Izena emateak 10 euro kostatzen du, ibiladia-egunaren aurretik zein Internetez egiten bada. Irteera egunean egiten bada, izena emateak 12 euroko kostua du. Izena ematearekin, ibilbidean diren zerbitzuak erabiltzeko eskubidea ematen du: ibilbidearen markaketa, anoa-postuak, Antolakuntzaren laguntza...

2. Non eta nola egin dezaket izen-ematea?

Izenematea hiru forma desberdinez egin daiteke:

• Urretxuko Polikiroldegian, Zumarragako Polikiroldegian edo Ostadar Mendi Taldearen egoitzan izena emanez, izenemateko epean eginda.

• Internet bitartez web orri honetan atzigarri jarri dugun Deporticket-en zerbitzua erabiliz.

• Areizaga-Kalebarren plazan, irteera egunean.

Antolakuntza lanak erraztearren, izen-ematea ibilaldi-eguna baino egun batzuk lehenago gomendatzen dugu.

Izena emateko epeak bai prentsa lokalean, baita webgune honetan agertuko dira (dagoeneko hemen dituzu).

Datorren estekan izena emateko kokalekuak mapa dinamikoan ikusi ditzakezu.

3. Federaturik izan behar dut parte hartzeko?

Ez. Ez da beharrezkoa federaturik egotea mendi martxan parte hartzeko, baina bai mendian eta mendi-martxa honetan ibiltzeko, federaturik egotea komenigarri litzakeela adierazi nahi dizugu. Izan ere, beste zerbitzuen artean, federaturik egoteak gerta litekeen intripu baten aurrean aseguru batez babestua izatea suposatzen duelako.

Dena dela, mendi-martxaren arautegian agertzen den ondorengo araua kontuan har dezazun gomendatzen dizugu:

9. Gomendagarria da federaturik egotea. Antolakuntzak ez du mendi-ibilaldiaren baitan zein horren ondorioz mendizaleei gerta lekizkiekeen istripurik bere gain hartuko. Partehartzaileek edozein indemnizazio hartzeari uko egingo diote.

4. Mendi talderen baten kide izan behar dut martxan parte hartzeko?

Ez. Ez da beharrezkoa.

5. Euskal Mendi Federazioaren Iraupen Luzeko Ibilaldien Egutegiaren barruan dago Iñaki Beitiaren omenezko Mendi-martxa?

Ez. Aurten ospatu behar dugun Iñaki Beitiaren omenezko Mendi-martxaren edizioak ez du Euskal Mendi Federazioaren Iraupen Luzeko Ibilaldien Egutegian parte hartuko.

6. Izen-ematea Urretxu-Zumarragako inskripzio tokietan egiten badut, zer egin behar dut ondoren?

Izen-ematea Urretxu-Zumarragako egoitzetan egiten baduzu (Urretxu eta Zumarragako Polikiroldegietan eta Ostadar M. T.-aren egoitzan (Zumarragako Kultur Etxea, Legazpi kalea 7)), 10 euro ordaintzearen trukean zigilatzeko txartela (txartelan bertan lehen kontrola —irteera gunekoa— zigilatuta izango duzu) eta elastikoa eskuratzeko agiria emango zaizkizu.

Elastikoa eskuratzeko agiriarekin, plazan bertan, ondoan dagoen elastikoak emateko txosnara joan eta agiriaren trukean zure neurriari dagokizun ekitaldi honetako elastiko berria jasoko duzu.

7. Noiz irekiko da izen-ematea Urretxu-Zumarragako hiru inskripzio tokietan?

Epea, maiatzaren 6an irekiko da eta maiatzaren 18an (larunbata) bukatuko da.

8. Izen-ematea Internet bitartez egiten badut, zer egin behar dut ondoren?

Izen-ematea Internet bitartez (Deporticket firmaren web bitartez) egiten baduzu, datu-orrian idatzi duzun email helbidean Deporticket firmaren konfirmazio emaila jasoko duzu ordainketa egin bezain laster. Bestalde ere, Deporticket berak zure izen-ematean emandako datuak kontsultatzeko esteka eskuragai izango duzu.

9. Noiztik noizera dago Internetez izenematea egiteko epea?

Epea, 2024/04/22ko 07:00:00etatik (GMT+2 - bertako ordua dugu webgunean)- martxaren egunaren aurreko ostirala den 2023/05/17ko 23:59:59ak arte irekita egongo da.

10. Izenematea martxaren egunean bertan, irteera-gunean egiten badut, zer jasoko dut orduan?

Inskripzioak egiteko txosnetan zure izen-abizenak eta beste zenbait datu eskatuko dizkizugu. 12 euro kobratu ondoren, zigilatzeko txartela (lehen kontrola —irteera gunekoa— zigilatuta izango duzu) eta elastikoa eskuratzeko agiria emango zaizu.

Elastikoa eskuratzeko agiriarekin, ondoan dagoen elastikoak emateko txosnara joan eta agiriaren trukean zure neurriari dagokizun elastiko berria jasoko duzu.

Antolakuntza-arrazoiengatik, Antolakuntzaren lana erraztearren, izenematea ibilaldiaren aurreko egunetan egitea gomendatzen dugu. Aurreko egunetan egiten bada, ordaindu beharreko kuota 10 eurokoa izango da.

11. Zertarako da zigilatzeko txartela?

Ibilbideetan zehar kontrolak izango dituzu. Kontrol batera iristean, kontrol-gunean dagoen kideari txartela erakutsi behar diozu zigilua ipini diezaion. Era honetan, amaierara iristean ibiltari batek kontrol guztietatik igaro dela egiazta daiteke. Lehen kontrola —irteera gunekoa— zigilatuta izango duzula jakin ezazu.

12. Zertarako da izen-ematearen froga-agiria?

Izen-ematearen froga-agiria zure elastiko neurria idatzita daraman papertxo bat da (web bidez egiten bada, emailez jasoko du parte-hartzaileak bere postan). Martxaren egunean, elastikoak dituen txosna izango duzu Areizaga-Kalebarren plazan, irteera-gunean ipinita. Froga-agiria erakutsi eta zure neurriari dagokion elastiko berria jasoko duzu trukean.

13. Nola jaso dezaket opari gisako elastikoa?

Martxaren egunean, elastikoak emateko txosnara joan eta agiriaren trukean zure neurriari dagokizun elastiko berria jasoko duzu.

14. Emakumeontzako elastiko termiko berezirik izango da?

Bai, aurtengo martxan emakume eta gizonentzako elastiko modelo berak izango dira, bost neurritan (S, M, L, XL eta XXL). Ikus itzazu atal honetan.

15. Noiz jaso ahal izango da elastikoa?

Elastikoa, martxa amaitzean jaso ahal izango da.

1. Non dago Urretxu-Zumarraga? Nola joan naiteke Urretxu-Zumarragara?

Urretxu eta Zumarraga Urola ibaiak banatuz, elkarren ondoan dauden Goierri eskualdearen mendebaldeko herriak dira. Bertara trenez, Madrid-Irun linea erabiliz, zein errepidez etor zaitezke.

Informazio gehiago esteka honetan kokatutako mapan kontsulta dezakezu. Gainera, zure autoan bazatoz, eta ez baduzu Urretxu-Zumarragarako bide ezagutzen, ondorengo esteka herriotara iristeko behar duzun laguntza aurkituko duzu.

2. Non aparkatu dezaket nire autoa Urretxu-Zumarragan? Aparkaleku berezirik al da?

Aurtengo ediziorako, Zumarragako eta Urretxuko Udalei esker herri bakoitzean aparkaleku bana izango dugu. Zumarragako La Salle Ikastetxeari esker, aparkaleku berezia bere kantxan (helmugatik 5 minutura) eta Urretxuko Ikastolari esker, Lizeoaren kantxan beste aparkaleku bat (aurrekoa baino txikiagoa, helmuga ondoan).

Aparkalekuak non dauden informazio zabala ere webgune honetan aurkituko duzu.

Dena dela, autoz bazatoz, pixka bat garaiz etor zaitezen gomendatzen dizugu.

1. Zenbat ibilbide ditu mendi-martxak?

Aurten, 26. edizioan, ibilbide bakarra antolatu dugu, 29 kilometro luzerakoa. Goizeko 7:00ak eta 7:30ak artean izango da bere irteera ordua. 1.505 metroko metatutako igoera izango du.

2. Zenbat anoa-postu ditu ibilbideak?

Aurtengo ekitaldian, anoa-postuak ondorengo tokietan kokatuak izango dira: Pagotxoeta, Aizpurutxo, Trekutz eta Areizaga/Kalebarren plaza.

3. Zenbat kontrol gune daude martxan zehar?

26. edizioan, ibilbidearen kontrolak honako hauek izango dira: (hasierako kontrola - txartela zigilatuta emango dizugu), Samiño, Aizpurutxo, Irimo eta Areizaga-Kalebarren plaza, oraingoan amaierako kontrola.

4. Saririk jasotzen al du mendizale azkarrenak? Eta mendizale motelenak?

Ez. Ez da inolako saririk emango lehendabiziko edo azkeneko mendizalea izateagatik, ibilaldia amaitu ondoren. Gogoratu nahi dugu, hau ibilaldia dela, hau da, ibil-tzeko eta ez korrika edo lasterka egiteko.

5. 'Motelegi' banoa, deskalifikatua izango naiz?

Lehendabizi, aipatzea motelegi ibiltzea zer den zerbait subjetibo dela.

Erantzuna ezezkoa da. Erratza-taldearekin topo egiten baduzu, erratza-taldeak lagunduko zaitu amaierara iritsi arte.

Dena dela, zure egoera fisikoa behar bezalakoa ez bada, eta amaiera puntura itzul zaitezen egoki irizten bada, ibilaldia amaitu gabe Antolakuntzak menditik jaisteko laguntza eskainiko dizula adierazi nahi dizugu.

6. Zein segurtasun neurriak aurrikusi ditu Antolakuntzak mendi-martxarako?

Segurtasuna dela-eta, Gurutze Gorriaren laguntza estimagarria ziurtatuta dugu: euren lur-orotariko ibilgailuekin kontrol-gune desberdinetatik igarotzen dira, beren lana beharrezko bada istripuaren tokira hurbiltzearren. Bai unitate mugikor hau, baita gainontzeko kontrol-guneek antolakuntzaren gune zentralarekin sakelako telefonoz kontaktu zuzenean izango dira. Segurtasun arau hauetaz gain, behar izanez gero, edozein partehartzaile osasun-zentrora zein herrira jaistearren, kontrol-gune guztietan beharrezko izan litezkeen ibilgailuak izango dira.

7. Nora deitu behar dut larrialdiren bat ikusten badut?

Larrialdiren bat aurkitzen baduzu, Urretxu-Zumarragako Gurutze Gorriaren telefonora [(+34) 678 401 774] dei dezazun eskatuko dizugu.

8. Eraman dezaket txakurra ibilbidean zehar?

Bai, baina kontuan izan beti lotuta eraman beharko duzula, bidean dauden baserrietako bestelako abereekin eta ibilbidean dauden lagunekin arazorik sortu ez dadin.

9. Haurrak joan daitezke bakarrik ibilbidean zehar?

Ez. Ibilaldian parte hartzen duten haurrek heldu baten laguntza izan beharko dute ibilaldia egiten duten bitartean.

10. Linterna beharrezkoa da mendian ibiltzeko?

Ez, ez da beharrezko izango.

1. Doako dutxa zerbitzurik dago martxaren ondoren?

Ez, doako dutxarik ez da egongo.

2. Ibilbidea eta anoa-postuak garbi geratuko dira martxa amaitu ostean?

Bai. Anoa-postuak jaso egingo dira eta garbi geratuko dira ibilbidearen ostean, eta bestalde, ibilbidean zehar jarrita dauden plastikozko marka eta kartel guztiak, erratza-taldeak jasoko ditu ibilbidea egitearekin batera.

Dena dela, Antolakuntzak mendizaleei ibilbidean zehar zaborrik bota ez dezaten eta anoa-postuetan kokatzen diren edukiontzien erabilera egokia egin dezaten eskatu nahi die.

3. Noiz jaso ahal izango da elastikoa?

Elastikoa, martxa amaitzean jaso ahal izango da.

1. Nola lagundu dezaket martxaren antolakuntzan?

Aurreko ekitaldietan, 100 lagun baino gehiago izan ziren egunean zehar euren laguntza eman zutenak, izena ematean, kontrol-guneetan, anoa-postuetan, osasunaren zainketan, aurreko egunean ibilbidearen markaketan... egindako lanetan.

Aurten ere beste ehun lagunen laguntza behar izango dugu goian aipatutako lanak egiteko. Laguntzeko prest bazaude, arren, jar zaitez gurekin kontaktuan, hemen gurekin kontaktuan jartzeko behar duzun informazioa. Aldez aurretik, eskerrik asko.

Dena dela ere, martxaren aurretik egoki den garaian prentsa lokalean laguntza-deialdia egingo dugula kontuan har ezazu.

2. Iñaki Beitiaren omenezko Mendi-martxan nire enpresaren laguntzaz babestu nahi dut. Norekin hitz egin behar dut?

Antolakuntzarentzako, Mendi-martxa bera egiteak esfortzu ekonomiko handia suposatzen du.

Zure enpresaren izenean, Iñaki Beitiaren omenezko Mendi-martxa babesteko prest bazaude, arren, jar zaitez gurekin kontaktuan (+34) 699.66.57.37 telefonoan. Eskerrik asko aldez aurretik.